भरत सरार्फ
पर्सा १६ श्रावण / मधेश प्रदेश सरकारले आठ वटै जिल्लामा यातायात ब्यवस्था कार्यालयहरु खोली सेवाग्रहीहरुलाई कुनै किसिमको असुबिधा नहुने गरी कार्यालयहरु सञ्चालनमा ल्याएको हो । सञ्चालनमा लिएर आएको लगभग १ बर्ष पनि नपुग्दै यातायात व्यवस्था कार्यालय कलैयामा सवारी चालक अनुमती पत्र लाईसेन्समा स.चा.अ.प.का माफियाहरुको हातमा आएको छ ।
यातायात व्यवस्था कार्यालय सवारी चालक अनुमती पत्र लाईसेन्स कलैयामा आर्थिक चलखेलमा सवारी स.चा.अ.प. लाइसेन्स बिक्रि गर्ने कार्य सुरु भएको समाचार प्राप्त भएको छ । त्यस कार्यालयले सवारी स.चा.अ.प. लाइसेन्सका लागि लिखित तथा ट्रायल परीक्षामा फेल भएका व्यक्तिहरुसंग आर्थिक रकमको चलखेलमा स.चा.अ.प. लाइसेन्स बिक्रि गर्ने कार्य सुरु भएको छ । कलैया यातायात व्यवस्था कार्यालयमा कार्यरत कार्यालय प्रमुख नवाज हुसैन र खरिदार सत्य नारायण साहको मिलोमतोमा कार्यालयका कर्मचारीलाई नै बिचौलियाको रुपमा परिचालन गरि स.चा.अ.प. लाइसेन्स चर्चाको बिषय बनेको छ । हुनत तोकेरै घुस लिई अवैध तरिकाले लाइसेन्स बाड्ने कार्य हुने यातायात व्यवस्था कार्यालय कलैयाको सर्वाधिक चर्चा कुनै नौलो कुरो होईन् । कार्यालयकै कर्मचारी बिचौलियाहरुलाई परिचालन गरि पहिलेदेखी नै अवैध तरिकाले लाइसेन्स बाड्नमा सर्वाधिक चर्चा पाएको छ। कार्यालय प्रमुखको आदेशमा अवैध लाइसेन्स बिक्रि गर्नको लागी रौतहट,पर्सा,चितवन, काठमाण्डौं, धादिंगका बिचौलिया परिचालन गरेका छन् ।
यति मात्र नभई कार्यालय प्रमुख हुसैन र साहले सहयोगको लागी बिचौलिया मार्फत अवैध आर्थिक रकमको प्रलोभनमा विभिन्न सवारी लाइसेन्सको दररेट तोकेर नै लिखित तथा ट्रायल परीक्षा पास गर्न नसक्नेलाई लाइसेन्स बिक्रि हुदै आएको छ ।
यातायात व्यवस्था कार्यालय कलैयामा उपत्यका लगायत अन्यत्रबाट समेत लिखित तथा ट्रायल परीक्षा पास गर्न नसक्नेहरुलाई अवैध तारिकाले पास गराइ लाइसेन्स दिन स्रोतले समेत जनाएको छ । जुन कुराले अहिले सर्वाधिक चर्चा पनि बटुलेको छ । कार्यालयमा अवैध तरिकाले लाइसेन्स बिक्रि गर्ने वापतको रकम असुली गर्ने कार्यालय प्रमुख हुसैनको बिश्वासपात्र मुख्य हर्ताकर्ता नै साह रहेको बताइन्छ ।
घुसको रकम तोकेर नै लिखित तथा ट्रायल परीक्षा फेल भएकाहरुलाई लाइसेन्स दिने गरेको उजुरी समेत अख्तियार दुरुपयोग अनुसन्धान आयोगको कार्यालयमा परेको थियो।
