मधेसखबर
वीरगन्ज, १२ मंसिर : वीरगन्ज स्थित नारायणी अस्पतालमा स्थापना गरिएको एकद्वार संकट व्यवस्थापन केन्द्र (ओसीएमसी)ले स्थापना यता ३ सय ९५ जनालाई सेवा प्रदान गरेको छ ।
२०७८ साल पुसमा नारायणी अस्पतालमा स्थापना भएको केन्द्रले विभिन्न लैंगिक हिंसामा परेका ३ सय ९५ जनालाई सेवा प्रदान गरेको हो ।
जर्बजस्ती करणीमा परेका ९७ जना, शारीरिक हिंसामा परेका २७९ जना, मानसिक दुर्व्यवहारमा परेका ११ जना, अधिकार स्रोतबाट वञ्चित ४ जना, बहुविवाह र रुढीवादी परम्पराका कारण पीडित भएका ४ जनालाई सेवा दिइएको केन्द्रकी इन्चार्ज अहेमा थापाले जानकारी दिइन् ।सेवा लिनेमध्ये ३५ जना पुरुष छन् भने बाँकी सबै ३ सय ६० जना महिला रहेको उनको भनाइ छ ।
त्यस्तै केन्द्रले १९६ जनालाई मनोसामाजिक परामर्श समेत दिएको उनले बताइन् । साभार : अनलाइनखबर
The post नारायणी अस्पतालको ओसीएमसीबाट ३९५ जनाले सेवा लिए appeared first on Madhes Khabar.
