रौतहट, ११ जेठ ।
रौतहटमा एकजना वृद्धको गोली प्रहार गरी हत्या गरिएको छ । देवाही गोनाही वडा नम्बर १ निवासी ७० वर्षीय शेख तैयबको टाउकोमा गोली प्रहार गरी हत्या भएको प्रहरीले जनाएको छ ।
करुणियाबाट लक्षिमिनया जाने मन्दिर नजिक बाटोमा बिहीवार बिहान शब भेटिएको मृतकका छोरा शेख असलमले बताएका छन् ।
राति १२ बजेको समयमा पटाका पड्किएको र गोली चलेको अवाज सुनिएको मृतकका भतिजो शेख इमताफले बताए । घटनाबारे अनुसन्धान भइरहेको जिल्ला प्रहरी कार्यालय, रौतहटले जनाएको छ ।
