मधेसखबर
वीरगन्ज ,२चैत : वीरगन्जकाे ठाकुरराम बहुमुखी क्याम्पसमा स्थगित स्ववियु निर्वाचन यसअघिकाे निर्धारित मिति (चैत८) मै गराउन विधार्थी संगठनहरुले माग गरेका छन् ।
नेविसंघ ,विधार्थी जनमत संघ, अनेरास्ववियु , लाेकतान्त्रिक विधार्थी संघ,बाल कुमार यादव समूह,शिवराम प्रजापति समूह र राष्ट्रिय प्रजातान्त्रिक विधार्थी संघले चैत ८ मै निर्वाचन हुनु पर्ने माग गर्दै क्याम्पसका विभिन्न शाखाहरुमा तालाबन्दी पनि गरेका छन् ।
चैत ८ मा ताेकिएकाे स्ववियु निर्वाचन राजनीतिक दलहरुकाे सहमतिमा क्याम्पस प्रशासनले बुधबार हालका लागि स्थगित गरि आगामी जेठ १३ गते गर्ने निर्णय गरेकाे थियोे ।
चैत ८ मा हुने भनिएकाे निर्वाचन स्थगित भएपछि विधार्थी संगठनहरुले बिहिबार क्याम्पस प्रमुखकाे कार्यकक्ष, परीक्षा शाखा र लेखा शाखामा तालाबन्दी गरेका हुन् ।
बिहिबार विज्ञप्ति जारी गर्दै उनिहरुले चैत ८ मा निर्वाचन नभए सम्पुर्ण विधार्थी संगठनहरु रिले अनसनमा बस्ने चेतावनी समेत दिएका छन् ।
तालाबन्दी गर्ने टाेलीमा नेविसंघका तर्फबाट सभापतिका प्रत्यासी समेत रहेका मुनराज तिवारी, अनेरास्ववियुका पवन यादव , विधार्थी जनमत संघका राजुराज गिरि, लाेकतान्त्रिक विधार्थी संघका विवेक कुमार झा , राष्ट्रीय प्रजातान्त्रिक विधार्थी संका दिपेस साह र बालकुमार यादव समुहका बालकुमार यादवकाे सहभागीता थियाे ।
चैत ५ मा हुनुपर्ने स्ववियु निर्वाचन ठाकुरराम क्याम्पसमा भने मतदाता नामावली बारेकाे विवादका कारण चैत ८ गतेका लागि ताेकिएकाे थियाे । तर पछि फेरि विवाद भएपछि बुधबार राजनीतिक दलहरूकाे सहमतिमा क्याम्पस प्रशासनले स्थगित गरि जेठ १३ गतेका लागि ताेकेकाे छ ।
The post स्थगित स्ववियु निर्वाचनको माग गर्दै विधार्थी संगठनहरुले ठाकुरराम क्याम्पसमा फेरि गरे तालाबन्दी appeared first on Madhes Khabar.
