सर्लाहीको पर्सा गाउँपालिका–२ संग्रामपुरस्थित नेपाल–भारत सीमा क्षेत्रको दशगजामा एक पुरुषको बेवारिसे शव फेला परेको छ। सोमबार दिउँसो ३:५० बजे सहायक सीमा स्तम्भ नम्बर ३१७/२ देखि करिब ५० मिटर पूर्वतर्फ दशगजाको डिलमा नेपालतर्फ अन्दाजी ५०/५५ वर्षीय नाम, थर र वतन नखुलेका पुरुषको शव फेला परेको प्रहरीले जनाएको छ। घटनास्थलमा बोराको झोलाभित्र मदिरासमेत भेटिएको र शवको पहिचान तथा घटनाबारे आवश्यक अनुसन्धान भइरहेको प्रहरीले जनाएको छ।
